ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

កីឡាករ ៣នាក់ផ្ទេរចេញពី Barcelona ក្នុងទីផ្សារដោះដូរថ្ងៃចុងក្រោយ

  • ចុះផ្សាយថ្ងៃទី០១ ខែកញ្ញា ឆ្នាំ២០២១ ម៉ោង ១២:៣៦ នាទី ដោយ Mesa
  • 638
  Aa |   aA

អេស្ប៉ាញ៖ ក្លិបបាល់ទាត់ FC Barcelona ដែលកំពុងជួបវិបត្តិហិរញ្ញវត្ថុ បានសម្រេចចិត្តក្នុងការបញ្ចេញកីឡាកររបស់ខ្លួនជាបន្តបន្ទាប់ក្នុងទីផ្សារដោះដូររដូវក្តៅនេះ ក្នុងគោលបំណងរក្សាស្ថេរភាពចំណាយរបស់ក្លិប ដែលជាកំពុងជាប់បំណុលប្រមាណ ១ពាន់លានអឺរ៉ូ។ 

ជាក់ស្តែង! នៅក្នុងទីផ្សារដោះដូរកីឡាករថ្ងៃចុងក្រោយរបស់ FC Barcelona បានបញ្ចេញកីឡាករ ៣រូបក្នុងលក្ខខណ្ឌខ្ចីជើងផង និងលក់ផ្តាច់ផង ប៉ុន្តែក្លិបក៏បាននាំចូលកីឡាករមួយរូបមកវិញក្នុងថ្ងៃចុងក្រោយនេះផងដែរ។ 

១. Antoine Griezmann៖ កីឡាករសញ្ជាតិបារាំងរូបនេះ ត្រូវបានអ្នកគាំទ្របង្ហាញការភ្ញាក់ផ្អើលជាខ្លាំងក្នុងថ្ងៃចុងក្រោយដែល Barcelona បានដាក់ឱ្យ Griezmann ត្រឡប់ទៅកាន់ក្លិបចាស់របស់គេគឺ Atletico Madrid ខ្ចីជើងចំនួន ២រដូវកាល រួមជាមួយលក្ខខណ្ឌទិញផ្តាច់ផងដែរ។ គួរបញ្ជាក់ថា Griezmann ត្រូវបាន Baracelona ទិញយកកាលពីឆ្នាំ២០១៩ កន្លងទៅក្នុងតម្លៃ ១២០លានអឺរ៉ូ ពី At.Madrid នេះតែម្តង ខណៈលក្ខខណ្ឌខ្ចីជើង ២រដូវកាលនេះ At.Madrid នឹងជាអ្នកចំណាយទាំងស្រុងទៅលើ Griezmann។


២. Emerson Royal៖ ខ្សែការពារស្តាំ​ Emerson Royal ក៏ស្ថិតក្នុងបញ្ជីលក់ចេញនារដូវក្តៅនេះផងដែរ បន្ទាប់ពីកីឡាកររូបនេះទើបតែត្រូវបានក្លិបនាំយកពីក្លិប Real Betis មកវិញ ក្រោយបញ្ចប់លក្ខខណ្ឌខ្ចីជើង ២រដូវកាល។ Emerson គឺជាកីឡាករសញ្ជាតិប្រេស៊ីល ផ្ទេរមកពីក្លិប Atletico MG ហើយការផ្ទេរទៅកាន់ Spurs ត្រូវបានភាគីទាំងពីរព្រមព្រៀងគ្នាក្នុងតម្លៃ ២៥,៨លានផោន។ Emerson នឹងរួមរស់ជាមួយ Spurs ក្នុងកិច្ចសន្យារយៈពេល ៥ឆ្នាំ។


៣. Ilaix Moriba៖ ខ្សែបម្រើវ័យក្មេងរូបនេះ ក៏ត្រូវបានក្លិបលក់ចេញនៅថ្ងៃចុងក្រោយផងដែរ បន្ទាប់ពីមានបញ្ហាមិនយល់ស្របគ្នាមួយចំនួន ជុំវិញការទាមទារតម្លើងថ្លៃឈ្នួលរបស់យុវជនសញ្ជាតិហ្គីណេរូបនេះ។ ក្នុងកិច្ចព្រមព្រៀងរវាង Barcelona និង Leipzig កីឡាកររូបនេះមានតម្លៃខ្លួន ១៦លានអឺរ៉ូ ដោយភ្ជាប់ជាមួយលក្ខខណ្ឌក្នុងការទទួលបានប្រាក់នានាបន្ថែមចំនួន ៦លានអឺរ៉ូផ្សេងទៀត។ ក្នុងកិច្ចសន្យានោះផងដែរ Barcelona ក៏បានដាក់លក្ខខណ្ឌក្នុងការទទួលបានប្រាក់ ១០ភាគរយ ប្រសិនបើ Leipzig លក់ចេញកីឡាករវ័យ១៨ឆ្នាំរូបនេះទៅឱ្យក្លិបផ្សេងនាពេលអនាគត។


ក្រៅពីការលក់ចេញនៅថ្ងៃចុងក្រោយ លោក Ronald Koeman ក៏បានសម្រេចនាំចូលកីឡាករសញ្ជាតិហូឡង់មួយរូបមកចូលរួមជាមួយក្លិបផងដែរ ពោលគឺខ្សែប្រយុទ្ធសញ្ជាតិហូឡង់ Luuk De Jong ក្នុងលក្ខខណ្ឌខ្ចីជើងពី Sevilla រហូតដល់ខែមិថុនា ឆ្នាំ២០២២។ ក្លិប Barcelona នឹងរ៉ាប់រងរាល់ការចំណាយរបស់ De Jong រួមជាមួយលក្ខខណ្ឌទិញផ្តាច់នាពេលក្រោយបានផងដែរ៕


ព័ត៌មានជាច្រើនទៀតសម្រាប់អ្នក